बुक्सनामा : अल्टिमेट ऑनलाईन बुक स्टोअर

सहा महिन्यापूर्वी डायमंड पब्लिकेशन्सने ‘अक्षरनामा’ हे मराठीतलं पहिलंवहिलं ‘डिजिटल डेली फीचर्स पोर्टल’ सुरू केलं. गेल्या सहा महिन्यांच्या काळात या पोर्टलने चांगले विषय, चांगला मजकूर, नवे लेखक आणि योग्य-परखड विश्लेषण यांच्या बळावर आपली वाटचाल सुरू ठेवली आहे. लवकरच ‘अक्षरनामा’चे आय फोन अॅपही सुरू होईल. वेबसाइटही अधिक आकर्षक आणि सुटसुटीत होईल. त्याचबरोबर आणखी नवे लेखक आणि नवे विषय यांचाही समावेश होईल. चालू घटना-घडामोडींवरील लेखन शक्य तितक्या तत्परतेनं देण्याचा ‘अक्षरनामा’चा प्रयत्न असतो. त्यात प्रत्येक वेळीच यश येत असं नाही, पण तरीही रोज काही महत्त्वाच्या घडामोडींवरील लेख दिले जातात. कुणाच्याही बाजूने नाही आणि कुणाच्याही विरोधात नाही, अशी ‘अक्षरनामा’ची सुरुवातीपासूनची भूमिका राहिली आहे, यापुढेही राहील. कारण भारतीय राज्यघटनेच्या स्वातंत्र्य, समता आणि न्याय या संकल्पनांशी बांधीलकी हे ‘अक्षरनामा’चं ब्रीद आहे. त्यामुळे गेल्या सहा महिन्यात ‘अक्षरनामा’ने आपली स्वत:ची ओळख निर्माण करण्यात बऱ्यापैकी यश मिळवलं आहे.

आजपासून ‘बुक्सनामा’ हे ‘अक्षरनामा’चं नवं भावंड ऑनलाईन माध्यमात दाखल होत आहे. मराठी पुस्तकं घरबसल्या ऑनलाईन खरेदी करता यावीत आणि तीही आकर्षक सवलतीमध्ये करता यावीत, हा ‘बुक्सनामा’चा उद्देश आहे. ऑनलाईन ग्रंथखरेदीसाठी खरं तर अॅमेझॉन, फ्लिपकार्ट, इन्फीबिम या इंग्रजी बेवसाईटपासून बुकगंगा, मॅजेस्टिक ऑन द नेट, रसिक या मराठी बेवसाईटपर्यंत अनेक पर्याय उपलब्ध आहेत. तरीही आम्ही ‘बुक्सनामा’ ही ऑनलाईन ग्रंथखरेदीसाठीची वेबसाईट सुरू केली आहे. त्याची काही खास कारणं आहेत. ती तुम्हाला आमच्या या वेबसाईटला भेट दिल्यावर लक्षात येतीलच.

मराठीतल्या आघाडीच्या बहुतेक प्रकाशकांच्या स्वत:च्या बेवसाईटस आहेत. त्यावरून त्या त्या प्रकाशनसंस्थांची पुस्तकं घरबसल्या विकत घेता येतात. शिवाय बुकगंगा, मॅजेस्टिक ऑन द नेट, रसिक या बेवसाईटसवरूनही हवी ती पुस्तके विकत घेता येतात. ‘बुक्सनामा’ हा मराठीतील आघाडीच्या, नामवंत आणि लोकप्रिय लेखकांची पुस्तकं एकत्र उपलब्ध करून देईल. आघाडीच्या सर्व प्रकाशकांची पुस्तकंही इथं विक्रीसाठी उपलब्ध असतील. शिवाय ही पुस्तकं विशेष सवलतीमध्ये असतील. २५ टक्क्यांपर्यंत पुस्तक खरेदीवर सवलत दिली जाईल. एक हजाराच्या वरील पुस्तक खरेदीसाठी टपाल\कुरिअर खर्च आकारला जाणार नाही.

त्याचबरोबर ऑनलाईन व्यवहार सुटसुटीत आणि पारदर्शक पद्धतीने करता यावेत यासाठी Payumoney च्या सुरक्षित पेमेंट गेटवेची सुविधा उपलब्ध करून दिली आहे. त्यामुळे द्वारा नेटबँकिंग, तसंच सर्व प्रकारच्या क्रेडीट, डेबिट कार्ड मार्फत व्यवहार करण्याची सुविधा असेल.

लवकरच ‘बुक्सनामा’वर मराठीमधील दुर्मीळ, दुर्लक्षित आणि विस्मरणात गेलेली पुस्तकंही आम्ही विक्रीसाठी उपलब्ध करून देणार आहोत. त्यामुळे ग्रंथवेड्या, ग्रंथसंग्राहक आणि ग्रंथोपासक रसिकांसाठी ती पर्वणी असेल.

‘अक्षरनामा’प्रमाणेच ‘बुक्सनामा’चंही वेगळेपण तुम्हाला वेबसाईट पाहिल्यानंतर जाणवलेच. ‘अक्षरनामा’प्रमाणेच विश्वासार्हता, दर्जा आणि तत्परता हा ‘बुक्सनामा’चाही विशेष असेल. तेव्हा तुम्हाला हवी असलेली पुस्तकं पहा, त्याविषयी जाणून घ्या आणि आवडलेली पुस्तकं आकर्षक सवलतीमध्ये विकत घ्या.

ट्रेंड येतात आणि जातात, पण परंपरांचं तसं नसतं. त्यांची मुळं मातीमध्ये घट्ट रुजलेली असतात. डायमंड पब्लिकेशन्सच्या माध्यमातून गेली ३० वर्षं आम्ही मराठी-इंग्रजी ग्रंथप्रकाशन आणि वितरणाच्या क्षेत्रात कार्यरत आहोत. आमच्या या साहित्यसेवेची ‘बुक्सनामा’ व ‘अक्षरनामा’ ही या नव्या पारंब्या आहेत.

तुमचा अभिप्राय, सूचना आणि मतं आम्हाला जरूर कळवा. आम्ही त्याच्या प्रतीक्षेत आहोत.

‘बुक्सनामा’ हे अल्टिमेट ऑनलाईन बुक स्टोअर आहे!

……………………………………………………………………………………………

‘बुक्सनामा’ला भेट देण्यासाठी पुढील लिंकवर क्लिक करा -

http://www.booksnama.com/client/home

……………………………………………………………………………………………

नामवंत लेखकांच्या पुस्तकांसाठी पहा -

 http://www.booksnama.com/client/authors

……………………………………………………………………………………………
Copyright www.aksharnama.com 2017. सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण करण्यास सक्त मनाई आहे. याचे उल्लंघन करणाऱ्यांवर कायदेशीर कारवाई करण्यात येईल.