तुझे आहे तुजपाशी । परि तू जागा चुकलासी ॥
श्रीज्ञानदेव म्हणतात, की देवाप्रत जाण्याचा सोपा मार्ग आपल्या देहातच आहे; श्रीतुकाराम व श्रीनामदेव म्हणतात, की भक्ती करता यावी म्हणून तुमच्यासाठीचा देव तुमच्याजवळच आहे; श्रीविवेकानंद सांगतात की रानावनांत, गिरिकंदरात, तीर्थोतीर्थीं, देवळारावळात आहे वा स्वर्गातील सिंहासनावर बसलेला आहे, अशी ज्या देवाविषयी आपण कल्पना करत असतो, तो आपला आत्माच असल्याचा अनुभव येतो आणि श्रीकबीर म्हणतात की, देव अगदी पाव कोसावरच आहे.......
