टपल्या
संकीर्ण - विनोदनामा
टिक्कोजीराव
  • अमृता फडणवीस, भाऊ कदम यांची मर्सिडीझ, देवेंद्र फडणवीस आणि वेंकय्या नायडू
  • Thu , 01 December 2016
  • विनोदनामा टपल्या देवेंद्र फडणवीस Devendra Fadnavis वेंकय्या नायडू Venkaiah Naidu नोटाबंदी Demonetization काळा पैसा Black Money

१. पंतप्रधान नरेंद्र मोदी यांची लाटच नव्हे, तर जनतेच्या मोदी यांच्यावरील विश्वासाची सुनामी आहे. त्यामुळेच भाजपला यश मिळाले, अशा शब्दांत मुख्यमंत्री देवेंद्र फडणवीस यांनी स्थानिक स्वराज्य संस्थांतील भाजपचा विजय साजरा केला.

१६४ मतदारसंघांमध्ये ५२ नगराध्यक्ष, त्यातले निम्मे विदर्भातले, निवडून आलेल्या सर्वाधिक नगरसेवकांची ८५१ ही संख्या दुसऱ्या क्रमांकावरच्या काँग्रेसपेक्षा जेमतेम १०० ने जास्त, त्यातही निम्मे विदर्भाचे, युती आणि आघाडी यांच्यातली तफावत तर जेमतेम ८० जागांची; ही सुनामी असेल तर ती कोणत्या जलशिवारात उसळली आहे, तेही सांगून टाकायला हरकत नाही, अध्यक्षमहोदय!

……………………………

२. प्रश्नोत्तरांच्या तासात काँग्रेसने जाणूनबुजून सभात्याग केला आहे. चर्चेमध्ये आपण उघडे पडू अशी त्यांना भीती वाटत आहे. हे खूपच दुर्दैवी आहे. देशातली जनता अशा राजकारणाला वैतागली आहे. या कृत्याने काँग्रेस नागरोटामधील शहीदांचा अपमान करत आहे : वेंकय्या नायडू.

देशातली जनता अशा राजकारणाला वैतागली असती, तर २०१४आधीच्या दहा वर्षांत तुम्ही हेच करत आलात, त्याची बक्षिसी २०१४च्या बहुमताने दिली गेली नसती. आपण सभागृह बंद पाडतो तेव्हा त्यासाठीचं कारण तेवढं महत्त्वाचं असतं, असं एकेकाळी तुम्हाला वाटत होतं, आता काँग्रेसला वाटतं.
……………………………

३. भाजपचे आमदार राम कदम यांनी मुलाला वाढदिवसाला मर्सिडीझ भेट दिली. त्यांना अनेक महागड्या गाड्यांचा शौक असून विक्रोळीच्या चाळींमध्ये दारिद्र्यात बालपण व्यतीत केल्यानंतर त्यांनी अतिश्रीमंतीत झेप घेतली आहे. त्यांचं वांद्र्यात तीनमजली घर असून घाटकोपरमध्येही आलिशान बंगला कम कार्यालय आहे.

हे पाहा. गाडीची सगळी रक्कम त्यांनी चेकने दिली आहे, असा खुलासा केलाच आहे. शिवाय, त्यांच्या खात्यांमधल्या आठ नोव्हेंबरनंतरच्या व्यवहारांची माहिती अमित शहांकडे (हा हा हा हा) जाईलच. नोटाबंदीमुळे काळ्या पैशाला कसा आळा बसला आहे, हे सांगण्यासाठी ते विविध वृत्तवाहिन्यांवर चमकत होते की नाही? मग त्यांच्या सचोटीवर आणि देशभक्तीवर शंका कशी घेता तुम्ही?

……………………………

४. मुख्यमंत्र्यांच्या पत्नी अमृता फडणवीस यांनी 'फिर से' या कुणाल कोहली दिग्दर्शित चित्रपटासाठी गायलेल्या गाण्याचा व्हिडिओ ऑपेरा हाऊस येथे चित्रित, अहमद खान यांच्या नृत्यदिग्दर्शनात अमिताभ बच्चनबरोबर अमृता झळकल्या, भूषण कुमार यांची निर्मिती.

'फिर से' असं अल्बमचं नाव असल्यामुळे दिवंगत माजी मुख्यमंत्री विलासराव देशमुख यांच्या पुत्राचा चित्रपट, त्यांनीच रामगोपाल वर्माला घेऊन दहशतवादी हल्ल्यात उद्ध्वस्त झालेल्या ताजमहाल हॉटेलचा मारलेला फेरफटका, माजी पंतप्रधानांच्या कविता गाणाऱ्या गायिकेला, त्यांच्या गुडघ्यावर शस्त्रक्रिया करणाऱ्या डॉक्टरला लाभलेले राष्ट्रीय सन्मान, अशा विविधरंगी आठवणींचा पट 'फिर से' जागा झाला मनात.

……………………………

५. नोटाबंदी निर्णयानंतर नोकरदारांचा पहिला पगार आणि पेन्शनधारकांच्या पेन्शनची रक्कम बँक खात्यात जमा होणार असताना बँकांमध्ये रोख रकमेचा तुटवडा असल्याने बँकांसमोरच्या रांगाही कायम आणि पैसे काढण्यावर सर्वत्र अघोषित मर्यादाही कायम.

या निर्णयाने काल्पनिक काळ्या पैशावाल्यांचं धाबं दणाणणार असल्याच्या आनंदात 'मी मरेन, पण तुला रंडकी करीन' या चेवाने रांगा लावलेल्या तमाम देशभक्तांच्या पदरात आता कॅशलेस इकॉनॉमीचं पिंटुकलं गाजर पडलेलं आहे… पण, आता मारुतीच्या बेंबीत बोट अडकलंय, गार गार लागतंय म्हणण्यावाचून गत्यंतर काय?

editor@aksharnama.com

Post Comment

अक्षरनामा न्यूजलेटरचे सभासद व्हा

ट्रेंडिंग लेख

ही कथा मूळ परंपरेत बसत नाही. श्रद्धांना कवटाळत बसत नाही. कथालेखकाच्या स्वभावातच ती बसत नाही. तत्त्वज्ञानाच्या आहारी न जाता भावनेच्या हिंदोळ्यावर अक्षरलव्हाळीची अक्षरं हिंदकळत राहतात
समीक्षक आणि विचारवंत प्रा. गो. मा. पवार यांच्या आयुष्यभराच्या चिंतन-व्यासगांची साक्ष असणारा हा लेखसंग्रह आहे
खालिद जावेद यांच्या कथांतली भाषा अचानक सपाट वर्णनाला भेदून काव्यात्मकतेच्या पायऱ्या चढून जाते, हे जाणवून वाचक स्तिमित होतो. त्यांच्या कल्पनाशक्तीने अवाक होतो…
पुस्तकं येत गेली, तसे उत्तरोत्तर आधी घर आणि मग मनही पुस्तकांनी भरून गेले. असंख्य विश्वात एकाच वेळी नांदण्याचा अद्भुत म्हणावा असा आनंदमयी अनुभव दिला त्यांनी…
पुस्तक फक्त वाचण्यासाठी ही संकल्पनाच बदलली आहे? आता ते केवळ प्रदर्शन, दिखावा करण्यासाठी, अभिमानाने मिरवण्यासाठी आणि लोकांचे आणि माध्यमांचेही लक्ष स्वतःकडे वेधून घेण्यासाठी वापरण्यात येते!

सदरे

सुनील तांबे
परिमल माया सुधाकर
निखिल वागळे
संजय पवार
अमोल उदगीरकर

इतर लेख

अजित पवार… एक भंगलेलं स्वप्न...

मुख्यमंत्री होण्याची महत्त्वाकांक्षा अजित पवार यांनी कधीच लपवून ठेवली नाही. राष्ट्रवादी आणि काँग्रेसचं संयुक्त सरकार येण्याआधीच त्यांनी त्यांचं स्थान शरद पवार यांच्या खालोखाल आहे, हे स्पष्ट करून टाकलेलं होतं. राष्ट्रवादीची स्थापना झाल्यावर ते स्थान त्यांनी पहिल्या बारा-पंधरा वर्षांत चांगलं बळकट केलेलं होतं. स्वत:चं रांगडं नेतृत्व प्रस्थापित व्हायला मुंबईबाहेरच वाव आहे, हे ते चांगलं जाणून होते.......

शिरोजीची बखर : प्रकरण २७ - लिबरल लोक चर्चा जिंकून स्वतःच्या पाठी थोपटून घेत राहिले आणि उजवे लोक मात्र चर्चांमध्ये हरले तरी निवडणुकांमागून निवडणुका जिंकत राहिले!

या बखरीमध्ये एक चांगली गोष्ट झाली! शिरोजीच्या मनात खूप महिन्यांपासून रेंगाळणारे राजू नावाचे पात्र विराजमान झाले! या पूर्वी शिरोजीने हे पात्र एका बखरीमध्ये एक प्रयोग म्हणून आणलेही होते. राजू म्हणजे चिंतनशीलता आणि सहसंवेदनेचा मिलाफ!... लिबरल आणि उजवे अशा दोघांनाही सुनावणारा… उजव्यांच्या उन्मादामुळे व्यथित होणारा… लिबरल लोकांच्या स्वतःच्या चुका न बघण्याच्या वृत्तीमुळे चिडणारा.......

धनंजय चिंचोलीकर नावाचा ‘बब्रुवान रुद्रकंठावार’! 

नीट लक्ष दिलं तर, हा माणूस चारचौघात असला तरी आत्ममग्न असतो. त्याचे डोळे काही तरी टिपत आणि कान काही तरी रेकॉर्ड करत असतात, हे लक्षात यायचं. अर्थात आपण बारकाईनं निरीक्षण करतोय, हे लक्षात आलं तर, धनंजयच्या चेहऱ्यावरचे भाव लगेच संकोचत असत. धनंजय चिंचोलीकर याच्यासारखी सूक्ष्म निरीक्षण क्षमता असलेला कुणीही लेखक, पत्रकार आजवर माझ्या पाहण्यात आलेला नाहीये.......

“पाटीलबुवा, तुम्हाला धन्यवाद, आम्हाला मूळ पदावर आणले म्हणून!”

सुंस्कारित असल्यामुळे नाना तसे स्वयंभू आणि सार्वभौम होते. आपण जे कार्य करतो ते थेट ईश्वरी कार्य असल्याचा त्यांचा पक्का समज झालेला होता. तसा तो शाखांमधल्या सर्वांचाच असतो. त्यांना आपण कधीही चुकीचे असू, याची अपराधजाणीव होत नसते. परमेश्वर सतत त्यांच्या ‘सोबत’ असतो. मग चुकीचे असे काय घडणार हातून, असा त्यांचा हेका असतो. शंका, संशय, संभ्रम अथवा दुविधा कधीही त्यांच्या वाट्याला येत नसते.......

शिरोजीची बखर : प्रकरण २६ - आंदोलने, घोषणाबाजी, रस्त्यावर येणे, हा असंतोषाचा एक ‘सेफ्टी व्हॉल्व्ह’ असतो, परंतु मोदीशासन आपल्या ‘टूलकिट’वरच खुश होते!

‘वोट-चोरी’बद्दल मुख्य मुद्द्यांवर कुणीच काहीच बोलत नव्हते. सरकार आणि निवडणूक आयोग काहीतरी मोघम बोलून वेळ मारून नेत होते. लोकांना आपल्या हीरोने खोटेपणा केलेला चालत नाही. अंधभक्तांचा विषय नव्हता, पण संवेदनशील मोदीभक्तांचा भ्रमनिरास होत चालला होता. नोटबंदी, जीएसटी आणि कोव्हिड लॉकडाउन या फटक्यातून अर्थव्यवस्था उठत नव्हती. त्यात ट्रम्प महाशयांनी भारतावर १०० टक्के टॅरिफ लावले. म्हणजे अजून एक झटका.......

शिरोजीची बखर : प्रकरण २५ - २०२४मधील लोकसभा निवडणूक आणि त्या काळात झालेल्या इतर निवडणुका, यांच्याबाबत राहुल गांधी, योगेंद्र यादव आणि परकला प्रभाकर यांनी शेरलॉक होम्सची ‘डिडक्टिव्ह मेथड’ हा प्रकार सुरू केला होता…

परकला प्रभाकर निवडणुकीतील भ्रष्टाचाराचा एक ‘बर्ड्स आय व्ह्यू’ दाखवायच्या प्रयत्नात होते, राहुल गांधी डेटा मायनिंग करून नक्की खिलवाड कसा झाला, हे दाखवून द्यायच्या प्रयत्नात होते आणि योगेंद्र यादव या भ्रष्टाचाराचे नवनवीन आयाम दाखवून द्यायच्या प्रयत्नात होते. शिरोजीची सर्व लोकशाहीवादी पात्रे ‘काहीतरी अयोग्य घडले आहे’ या निष्कर्षावर पोहोचली होती. निवडणूक आयोगाचा अडेलतट्टूपणा त्या संशयात तेल ओतत होता.......

शिरोजीची बखर : प्रकरण २४ - इकडे भारत मात्र ढवळून निघाला होता. भारतात एक ‘उफान’ आले होते

पुन्हा एकदा एकच गदारोळ उडाला. एवढे झाले तरी निवडणूक आयोगाचा उत्साह कमी झाला नव्हता. आता यात भर म्हणून निवडणूक आयोगाने ही ‘ड्राफ्ट व्होटर लिस्ट’, ‘नॉन सर्चेबल’ आणि ‘नॉन मशीन रीडेबल’ फॉरमॅटमध्ये आणली. आधी ती ‘सर्चेबल’ आणि ‘मशीन रीडेबल’ होती. आता विरोधकांना तिचे विश्लेषण अशक्य व्हावे म्हणून ती ‘नॉन सर्चेबल’ आणि ‘नॉन मशीन रीडेबल’ फॉरमॅटमध्ये वेबसाईटवर चढवली गेली. त्यामुळे पंधरा दिवसांत चौथ्यांदा गोंधळ उडाला.......

शिरोजीची बखर : प्रकरण तेविसावे – राहुल गांधी यांनी २०२५ सालच्या जुलै महिन्यात संशयाचा फार मोठा भोवरा निर्माण केला होता, आणि निवडणूक आयोगाने याद्या आणि व्हिडिओ न दिल्यामुळे दिवसामाशी संशय वाढत होता

‘वोट चोरी’च्या आरोपांमुळे खूप अस्वस्थता माजली होती! हे प्रकरण काय वळण घेणार म्हणून भाजप अस्वस्थ, या संधीचा फायदा आपल्याला उठवता येणार की नाही म्हणून काँग्रेस पक्ष अस्वस्थ, त्याच कारणासाठी काँग्रेसचे सहकारी पक्ष अस्वस्थ, यात आपले काय होणार म्हणून भाजपचे सहकारी पक्ष अस्वस्थ आणि ही ‘वोट चोरी’ खरी असेल तर लोकशाहीचे काय होणार, या विचारांमुळे विचारवंत अस्वस्थ! सर्वदूर अस्वस्थता! .......

डॉ. अरुण विनायक मांडे : मराठी विज्ञानकथांचा एक वेगळा आणि महत्त्वाचा सूर

मराठी विज्ञानकथांमध्ये डॉ. मांडे यांनी एक वेगळा सूर निर्माण केला. त्यांचं लेखन एकीकडे हलकंफुलकं वाटतं आणि त्याच वेळी त्यातून फार मोठा अर्थ समोर येतो. त्यांच्या 'अमाणूस' या संग्रहाला नारायण धारप यांनी उत्तम प्रस्तावना लिहिली आहे. त्यात “कथा कल्पनेवर कधीही आक्रमण न करणारा, अत्यंत नैसर्गिक नर्मविनोद. तो कृत्रिम नाही, प्रच्छन्न नाही, ओढूनताणून आणलेला नाही.” या शब्दांमध्ये धारपांनी डॉ. मांडे यांची शैली अचूक पकडली आहे.......

शिरोजीची बखर : प्रकरण बावीस - ‘मध्यमवर्ग’ ही समाजाची ‘लिंच पिन’ असते, पण ती राजकीय स्वार्थासाठी ‘मोदीकालीन भारता’त जाणूनबुजून खिळखिळी केली गेली होती...

ते सुशिक्षित नाहियेत, फक्त कॉलेजातून पास झालेले आहेत. ते धार्मिक नाहियेत, फक्त कर्मकांडी आहेत. ते खऱ्या अर्थाने नैतिक नाहियेत, फक्त अंधपणे परंपरा पाळणारे आहेत. ते सदाचारी नाहियेत, त्यांचा सदाचार फक्त भीतीमधून जन्मलेला आहे. ते समृद्ध नाहियेत, फक्त श्रीमंत आहेत. ते प्रामाणिक नाहियेत, फक्त गुलाम आणि खुशमस्करे आहेत. ते समाजाच्या भल्यासाठी काम करणारे नाहियेत, फक्त देशभक्तीच्या उथळ घोषणा देणारे आहेत.......

© 2026 अक्षरनामा. All rights reserved Developed by Exobytes Solutions LLP.