टपल्या
संकीर्ण - विनोदनामा
टिक्कोजीराव
  • डोनाल्ड ट्रम्प, शरद पवार, हुकूमसिंग आणि राज ठाकरे
  • Thu , 10 November 2016
  • टपल्या टिक्कोजीराव Taplya Tikkojirao

१. अमेरिकेच्या अध्यक्षपदी ट्रम्प

रिपब्लिकन बुशने केलेल्या युद्धखोरीमुळे झालेल्या कर्जाचा डोंगर उपसायला ओबामांना करआकारणी करायला लागली. त्याला वैतागून धाकले बुश परवडले, असं म्हणायला लावणारा आढ्यताखोर, बाईलवेडा, वर्णद्वेष्टा, तोंडाळ आणि शुद्ध आचरट ट्रम्प अमेरिकन जनतेने निवडून दिला आहे… श्रीमंतांचे चोचले थांबवा म्हणून त्यांनी एका अब्जाधीशाला निवडून दिलं आहे… एकंदर काय, तर तिकडेही बागों में बहार है!!!

......

२. भोपाळमधल्या सिमी अतिरेक्यांच्या बराकीत काजू, बदाम, किसमिस, पेंडखजूर आणि अन्न शिजवण्यासाठी भांडी व शेगडीही सापडली…

भिजत घातलेले बासमती तांदूळ, नुकत्याच कापलेल्या बकऱ्याचं मटण आणि दुधात भिजवलेलं केशर सापडलं नाही का? अरेरे, मग बिर्याणी कसे करून खात होते ते? की पार्सल मागवत होते?

......

३. पाचशे, हजारच्या नोटा रद्द केल्यावर आगामी निवडणुकांमध्ये भारतीय जनता पक्ष आपट्याची पानं वाटणार आहे का? : मनसेअध्यक्ष राज ठाकरे यांचा खोचक सवाल

बरोबरच आहे ही काळजी? दोन्ही चुलत पक्षांना ती अडचण नाही… तिथं कोणी कोणाला काही देत नाहीत… फक्त घेण्याचीच सवय… देऊन देऊन देतात काय, तर निवडणुकीच्याआधी टार्गेट ठरवून जाहीरपणे खोपच्यात घेऊन देतात, तेवढंच… तेही कार्यकर्तेच देतात!

......

४. उत्तर प्रदेशातल्या कैरानामधून हिंदूंचं मोठ्या प्रमाणावर स्थलांतर होत असताना त्यांची बाजू घेतल्याबद्दल सेक्युलरांनी मला जातीयवादी ठरवलं तरी बेहत्तर : भाजप नेते हुकूमसिंग

अहो, पण म्हणजे तुम्ही कपाळावर पट्टीच चिकटवून घेतलेली असताना कोणी तुम्हाला वेगळं काही कसं म्हणेल? तुम्हाला जातीयवादी म्हणण्यासाठी कारण कशाला हवं कसलं?

......

५. पाचशे आणि हजारच्या नोटा रद्द करण्याच्या निर्णयाचे राष्ट्रवादीचे अध्यक्ष शरद पवार यांच्याकडून स्वागत

काल रात्रीपासून त्यांच्यावर आणि बारामतीवर जे विनोद होतायत, त्यांनी ते खळखळून हसल्याचं बातमीत का लिहिलेलं नाही? काळा पैसा कमावणारे तो नोटांच्या स्वरूपात साठवून ठेवतात, अशी बाळबोध आर्थिक समज असलेल्या देशात आपण राहतो आहोत, याचं त्यांना किती बरं वाटलं असेल.

६. एसटीच्या निवडक मार्गांवर एसटीने करार केलेल्या हॉटेलांत प्रवाशांना शिरा, पोहे, उपमा, इडली, वडापाव, मेदूवडा यातला एक नाश्‍ता आणि एक चहा फक्त तीस रुपयांत मिळणार

बातमी चांगलीच आहे. फक्त ही हॉटेलं टाळून चालक-वाहकांची सगळीच 'सोय' फुकटात करणाऱ्या हॉटेलांपुढे एसटी नेण्याच्या प्रकारांना आळा कसा घालणार? शिवाय तीस रुपयांत द्यायचंय म्हणून नैवेद्याच्या वाटीत शिरा, पोहे आणि मरतुकडे वडे खपवले जाणार नाहीत, हे कोण पाहणार?

editor@aksharnama.com

Post Comment

अक्षरनामा न्यूजलेटरचे सभासद व्हा

ट्रेंडिंग लेख

‘ईडन क्रिक बेंगाल’ : जर पाश्चात्य नाटकांचं सफाईनं भारतीयीकरण झालेलं असेल, तर उत्तम नाट्यानुभव पदरात पडतो!
प्रिय नरेंद्रभाई, आजवर तुम्ही खूप अंडी फोडलीत; आता निदान ऑम्लेट तरी लवकर वाढा...
प्रिय नरेंद्रभाई, तुम्ही जणू यादवी युद्ध लढत असल्यासारखे देश चालवत आहात! हे तुम्हाला शोभत नाही. तुम्ही भले कितीही लोकप्रिय असाल, पण तुम्ही संसदेला उत्तरदायी आहात
कणा मोडून पडलेली सध्याची पत्रकारिता!
न्यायालयाने ज्या तक्रारीची अद्याप अधिकृत दखल घेतलेली नाही, अशा प्रकरणाची माहिती उघड न केल्यामुळे उमेदवारी अर्ज बाद करणे कायद्याच्या निकषांवर टिकणारे आहे का?

सदरे

सुनील तांबे
परिमल माया सुधाकर
निखिल वागळे
संजय पवार
अमोल उदगीरकर

इतर लेख

‘ऐसा’ बी. टी. देशमुख होणे नाही... होणे नाही!

बीटी तब्बल अडीच दशकं विधिमंडळाच्या राजकारणात होते, पण पक्षीय राजकारणाचा शिंतोडा त्यांनी त्यांच्या अंगावर चुकूनही उडू दिला दिला नाही. साधारण २००० आधीच्या राजकारणात जाणकार, समंजस अभ्यासू आणि पाय जमिनीवर घट्ट रोवलेल्या लोकप्रतिनिधींचं बहुमत होतं. धनाच्या प्रवाहात वाहून जाणाऱ्या विद्यमान राजकारणात बीटी यांच्यासारख्या राजकारण्यांना मुळीच आता स्थान उरलेलं नाही. त्यांची जागा कोणताही नेता घेऊ शकणार नाही! .......

शिरोजीची बखर : प्रकरण २९ – अध्यात्मामध्ये ‘श्रद्धा’ हाच भक्ताचा एकमेव ‘गुण’ असतो आणि राजकारणामध्ये ‘श्रद्धा’ हाच भक्ताचा एकमेव ‘दुर्गुण’ असतो!

मोदीजींच्या या भाषणामुळे विचार करणाऱ्या सर्व भारतीय नागरिकांच्या मनात प्रश्न उभा राहिला की, ‘खाण्यात तेल कमी वापरा’ असं जर भारताच्या पंतप्रधानांना सांगावे लागत असेल, तर हे कसले ‘अच्छे दिन’? भक्तांच्या मनात अर्थातच असे प्रश्न उभे राहण्याचा प्रश्न नव्हता. मनामध्ये कुठलाही प्रश्न उभा राहत असेल, तर तो ‘भक्त’ कसला? हे सगळं घडत असतानाच पश्चिम बंगालमध्ये ममता बॅनर्जी यांना हरवून भाजप जिंकला. भक्त भयंकर खुश झाले, परंतु.......

शरीर-मनाच्या पल्याड जात ‘व्यक्तीकडून समष्टीकडे’ नेणारा एक समृद्ध प्रवास, असंच डॉ. आनंद नाडकर्णी यांच्या कामाचं वर्णन करावं लागेल!

डॉ. आनंद नाडकर्णी यांच्या मुलाखती-प्रवचनं ऐकून, त्यांच्या पुस्तकांच्या वाचनामुळे माणसाला जटील प्रश्नांची उत्तरं मिळायला मदत व्हायची. सुखाचा, आनंदाचा, दुःखाचा अर्थ कळायला लागायचा, माणुसकीची, चांगुलपणाची महत्ता लक्षात यायला मदत व्हायची. इतकंच नाही तर  त्या चांगुलपणाचा, माणुसकीचा, सहानुकंपेचा झेंडा खांद्यावर घेणारा नवा माणूस त्यांच्या प्रेरणेमुळे तयार व्हायचा!.......

दत्ता मेघे... राजकारणातला सहृदयी माणूस!

पत्रकारितेच्या साडेचार दशकांच्या काळात दत्ताभाऊंसारखा सहृदयी राजकारणी अपवादानेच पाहण्यात आला. आणखी एक म्हणजे, पाय जमिनीवर ठेवून लोकांशी वागणं, हाही त्यांचा दुर्मीळ गुण होता. अशी माणसं राजकारणात फार अपवादानं पाहायला मिळतात. दत्ताभाऊ त्यापैकी एक होते. माणसं काळाच्या पडद्याआड  जातात... उरतात त्या त्यांच्या आठवणी. दत्ताभाऊ गेले, पण त्यांच्या असंख्य आठवणी माझ्या मनात आहेत.......

शिरोजीची बखर : प्रकरण २८ - कधी हे ‘नॅरेटिव्ह’, तर कधी ते ‘नॅरेटिव्ह’ असं करत करत ११ वर्षं निघून गेली होती. आता पितळ हळूहळू उघडं पडू लागलं होतं…

भारतासारख्या विकसनशील देशाचा पंतप्रधान कितीसा समर्थ असणार होता? पण नाही! विश्वगुरू, अवतार, समर्थ राजकारणी, धुरंधर! जितकी विशेषणं भारताला, त्याच्या दुप्पट त्याच्या नेत्याला अशी अवस्था! हे सगळं नॅरेटिव्ह अत्यंत जाणीवपूर्वक आणि काळजीपूर्वक सेट केलं गेलं होतं. एक छायाचित्र त्या काळी व्हायरल केलं गेलं होतं. मोदीजी एका खुर्चीवर बसले आहेत आणि समोरच्या टेबलावर हात ठेवून जगभरातल्या अनेक मोठ्या देशांचे प्रमुख ऐकत आहेत. .......

डॉ. बाबा आढावांचे जाणे, हे आमच्या ‘शेवटच्या पितामहा’चे जाणे आहे, पण त्यापेक्षा एका ‘महामानवाचे महापरिनिर्वाण’ आहे

बाबांचा खरा लढा म. फुल्यांच्या स्त्री शूद्रातिशूद्रांसाठी होता. त्यांच्या जीवनात समग्र परिवर्तन घडवण्यासाठी होता. हेच बाबांचे समाजवादी समाजरचनेचे स्वप्न होते. त्या अर्थाने ते समाजवादी होते आणि ते सत्यशोधकही होते. लोकशाही समाजवादाला अभिप्रेत असणारा संघर्ष ते आयुष्यभर करत राहिले. हा संघर्ष करीत असताना कुटुंबाची जबाबदारी शीलाकाकींच्या समर्थ खांद्यांवर सोपवून तुरुंगाच्या वाऱ्या करत राहिले.......

अजित पवार… एक भंगलेलं स्वप्न...

मुख्यमंत्री होण्याची महत्त्वाकांक्षा अजित पवार यांनी कधीच लपवून ठेवली नाही. राष्ट्रवादी आणि काँग्रेसचं संयुक्त सरकार येण्याआधीच त्यांनी त्यांचं स्थान शरद पवार यांच्या खालोखाल आहे, हे स्पष्ट करून टाकलेलं होतं. राष्ट्रवादीची स्थापना झाल्यावर ते स्थान त्यांनी पहिल्या बारा-पंधरा वर्षांत चांगलं बळकट केलेलं होतं. स्वत:चं रांगडं नेतृत्व प्रस्थापित व्हायला मुंबईबाहेरच वाव आहे, हे ते चांगलं जाणून होते.......

शिरोजीची बखर : प्रकरण २७ - लिबरल लोक चर्चा जिंकून स्वतःच्या पाठी थोपटून घेत राहिले आणि उजवे लोक मात्र चर्चांमध्ये हरले तरी निवडणुकांमागून निवडणुका जिंकत राहिले!

या बखरीमध्ये एक चांगली गोष्ट झाली! शिरोजीच्या मनात खूप महिन्यांपासून रेंगाळणारे राजू नावाचे पात्र विराजमान झाले! या पूर्वी शिरोजीने हे पात्र एका बखरीमध्ये एक प्रयोग म्हणून आणलेही होते. राजू म्हणजे चिंतनशीलता आणि सहसंवेदनेचा मिलाफ!... लिबरल आणि उजवे अशा दोघांनाही सुनावणारा… उजव्यांच्या उन्मादामुळे व्यथित होणारा… लिबरल लोकांच्या स्वतःच्या चुका न बघण्याच्या वृत्तीमुळे चिडणारा.......

धनंजय चिंचोलीकर नावाचा ‘बब्रुवान रुद्रकंठावार’! 

नीट लक्ष दिलं तर, हा माणूस चारचौघात असला तरी आत्ममग्न असतो. त्याचे डोळे काही तरी टिपत आणि कान काही तरी रेकॉर्ड करत असतात, हे लक्षात यायचं. अर्थात आपण बारकाईनं निरीक्षण करतोय, हे लक्षात आलं तर, धनंजयच्या चेहऱ्यावरचे भाव लगेच संकोचत असत. धनंजय चिंचोलीकर याच्यासारखी सूक्ष्म निरीक्षण क्षमता असलेला कुणीही लेखक, पत्रकार आजवर माझ्या पाहण्यात आलेला नाहीये.......

“पाटीलबुवा, तुम्हाला धन्यवाद, आम्हाला मूळ पदावर आणले म्हणून!”

सुंस्कारित असल्यामुळे नाना तसे स्वयंभू आणि सार्वभौम होते. आपण जे कार्य करतो ते थेट ईश्वरी कार्य असल्याचा त्यांचा पक्का समज झालेला होता. तसा तो शाखांमधल्या सर्वांचाच असतो. त्यांना आपण कधीही चुकीचे असू, याची अपराधजाणीव होत नसते. परमेश्वर सतत त्यांच्या ‘सोबत’ असतो. मग चुकीचे असे काय घडणार हातून, असा त्यांचा हेका असतो. शंका, संशय, संभ्रम अथवा दुविधा कधीही त्यांच्या वाट्याला येत नसते.......

© 2026 अक्षरनामा. All rights reserved Developed by Exobytes Solutions LLP.