वाचन जागर अभियान : २५० पुस्तके २५ टक्के सवलत : प्रकाशकांचे एक पाऊल पुढे, आता वाचकांनी दोन पावलं पुढे यावे!

मार्चपासून सुरू झालेला करोनाकाळ अजूनही पूर्णपणे हटलेला नाही. लॉकडाउन हळूहळू शिथिल होत आता जवळपास नगण्य पातळीवर आला आहे. त्यामुळे दैनंदिन व्यवहार हळूहळू सुरळीत होत आहेत. छोटे-मोठे व्यवसाय टप्प्याटप्प्याने चालू होत आहेत. पुस्तकांची दुकाने सुरू झाली आहेत, नुकतीच वाचनालयेही चालू झाली आहेत.

त्यात पावसाळा संपून हिवाळा वातावरणात भरू लागला आहे. त्यामुळे दिवाळीची मौज सुरू होतेय. मास्क, सुरक्षित अंतर पाळत लोक बाजारपेठांमध्ये गर्दी करू लागले आहेत. पण आकाशकंदिल, फराळ, सजावटीचे इतर साहित्य यांची खरेदी चालू झालेली आहे.

महाराष्ट्रात दिवाळीचे एक महत्त्वाचे आकर्षण असते, ते म्हणजे दिवाळी अंक. पण तूर्त तरी खूपच कमी अंक बाजारात आलेले आहेत. पुस्तक दुकानदारांच्या म्हणण्यानुसार रविवारपर्यंत अजून काही दिवाळी अंक विक्रीसाठी उपलब्ध होतील. पण करोनामुळे यंदा दिवाळी अंकांची लगबग बरीच कमी झाली आहे. अनेक अंक यंदा निघणार नाहीत. जे निघताहेत त्यांची पाने बरीच कमी झाली आहेत. त्यामुळे वाचकप्रेमी मराठी माणसांची यंदाची दिवाळी थोडीशी सुनी सुनी जाण्याची शक्यता नाकारता येत नाही.

मात्र नेमक्या याच काळात मराठी प्रकाशन व्यवसायात नवनवीन घडामोडी घडत आहेत. राजहंस प्रकाशनाने नुकतेच स्वतंत्र अॅप बाजारात आणले आहे. तर साधना, मेहता, मॅजेस्टिक, मनोविकास, डायमंड, ज्योत्स्ना, पद्मगंधा, रोहन, राजहंस आणि साकेत या मराठीतील १० आघाडीच्या प्रकाशनसंस्थांनी एकत्र येऊन ‘वाचन जागर महोत्सव’ हा अभिनव उपक्रम सुरू केला आहे.

१ नोव्हेंबरपासून सुरू झालेला हा उपक्रम २५ नोव्हेंबरपर्यंत सुरू राहणार आहे. या उपक्रमात या दहा प्रकाशनसंस्थांची प्रत्येकी २५ पुस्तकं २५ टक्के सवलतीत वाचकांना विकत घेता येणार आहेत. म्हणजे तब्बल २५० पुस्तकांवर २५ टक्के सवलत वाचकांना मिळणार आहे. ही पुस्तके वाचकांना त्यांच्या शहरातल्या पुस्तकांच्या दुकानात जाऊन खरेदी करता येणार आहेत. त्यासाठी कुठलेही जास्तीचे दर आकारले जाणार नाहीत.

थोडक्यात मराठीतल्या आघाडीच्या १० प्रकाशनसंस्थांनी वाचकप्रेमींसाठी एक अभिनव योजना सुरू केली आहे.

ही पुस्तके कुठे मिळतील? ही पुस्तके राज्यातल्या २३ शहरांमधल्या ३४ पुस्तकांच्या दुकानांमध्ये मिळणार आहेत.

या योजनेतील पुस्तकांची यादी पाहण्यासाठी क्लिक करा –

थोडक्यात, वाचकप्रेमींसाठी मराठी प्रकाशकांनी एक खास योजना आणली आहे, खास दिवाळीनिमित्त. त्याचा वाचकांनी लाभ घ्यावा. वाचनवृद्धीसाठी प्रकाशकांनी एक पाऊल पुढे टाकले आहे. त्याला वाचकांनी दोन पावले पुढे टाकून प्रतिसाद द्यायला हवा.

सफ़दर हाश्मी यांची ‘किताबें कुछ कहना चाहती हैं’ या नावाची एक सुंदर कविता आहे –

किताबें करती हैं बातें

बीते ज़मानों की

दुनिया की, इंसानों की

आज की, कल की

एक-एक पल की

ख़ुशियों की, ग़मों की

फूलों की, बमों की

जीत की, हार की

प्यार की, मार की

क्या तुम नहीं सुनोगे

इन किताबों की बातें?

किताबें कुछ कहना चाहती हैं।

तुम्हारे पास रहना चाहती हैं॥

किताबों में चिड़िया चहचहाती हैं

किताबों में खेतियाँ लहलहाती हैं

किताबों में झरने गुनगुनाते हैं

परियों के किस्से सुनाते हैं

किताबों में राकेट का राज़ है

किताबों में साइंस की आवाज़ है

किताबों में कितना बड़ा संसार है

किताबों में ज्ञान की भरमार है

क्या तुम इस संसार में

नहीं जाना चाहोगे?

किताबें कुछ कहना चाहती हैं।

तुम्हारे पास रहना चाहती हैं॥

..................................................................................................................................................................

‘अक्षरनामा’वर प्रकाशित होणाऱ्या लेखातील विचार, प्रतिपादन, भाष्य, टीका याच्याशी संपादक व प्रकाशक सहमत असतातच असे नाही. पण आम्ही राज्यघटनेने दिलेले अभिव्यक्तीस्वातंत्र्य मानतो. त्यामुळे वेगवेगळ्या विचारांना ‘अक्षरनामा’वर स्थान दिले जाते. फक्त त्यात द्वेष, बदनामी, सत्याशी अपलाप आणि हिंसाचाराला उत्तेजन नाही ना, हे पाहिले जाते. भारतीय राज्यघटनेशी आमची बांधीलकी आहे. 

..................................................................................................................................................................

नमस्कार, करोनाने सर्वांपुढील प्रश्न बिकट केले आहेत. त्यात आमच्यासारख्या पर्यायी वा समांतर प्रसारमाध्यमांसमोरील प्रश्न अजूनच बिकट झाले आहेत. अशाही परिस्थितीत आम्ही आमच्या परीने शक्य तितकं चांगलं काम करण्याचा प्रयत्न करतो आहोतच. पण साधनं आणि मनुष्यबळ दोन्हींची दिवसेंदिवस मर्यादा पडत असल्याने अनेक महत्त्वाचे विषय सुटत चालले आहेत. त्यामुळे आमची तगमग होतेय. तुम्हालाही ‘अक्षरनामा’ आता पूर्वीसारखा राहिलेला नाही, असं वाटू लागलेलं असणार. यावर मात करण्याचा आमचा प्रयत्न आहे. त्यासाठी आम्हाला तुमची मदत हवी आहे. तुम्हाला शक्य असल्यास, ‘अक्षरनामा’ची आजवरची पत्रकारिता आवडत असल्यास आणि आम्ही यापेक्षा चांगली पत्रकारिता करू शकतो, यावर विश्वास असल्यास तुम्ही आम्हाला बळ देऊ शकता, आमचे हात बळकट करू शकता. खोटी माहिती, अफवा, अफरातफर, गोंधळ-गडबड, हिंसाचार, द्वेष, बदनामी या काळात आम्ही गांभीर्याने पत्रकारिता करण्याचा प्रयत्न करत आहोत. अशा पत्रकारितेला बळ देण्याचं आणि तिच्यामागे पाठबळ उभं करण्याचं काम आपलं आहे.

‘अक्षरनामा’ला आर्थिक मदत करण्यासाठी क्लिक करा -