टपल्या
संकीर्ण - विनोदनामा
टिक्कोजीराव
  • भाजप, नरेंद्र मोदी, नितीन गडकरी, देवेंद्र फडणवीस, विश्वजित राणे, मणिशंकर अय्यर
  • Sat , 18 March 2017
  • विनोदनामा टपल्या नरेंद्र मोदी Narendra Modi भाजप BJP नितीन गडकरी Nitin Gadkari देवेंद्र फडणवीस Devendra Fadnavis विश्वजित राणे Vishwajit Rane मणिशंकर अय्यर Mani Shankar Aiyar

१. भारतीय जनता पक्षाने नुकत्याच झालेल्या निवडणुकांमध्ये अभूतपूर्व यश संपादन केले आहे. या विजयामुळे भारतीय जनता पक्षाच्या नेत्यांमध्ये उत्साह संचारला आहे. इतकेच नव्हे तर भारतीय जनता पक्षाने २०१९ च्या लोकसभा निवडणुकीची आखणीदेखील केली आहे.

दोन निवडणुकांच्या मधल्या काळात आखणीशिवायही बरंच काही करायचं असतं सत्ताधाऱ्यांनी, याची त्यांना कल्पना असेलच, नाही का? निवडणुकांत यश मिळालं की, आखणीचा छंद जडतो, नशा चढते; सगळं काही त्याच एका दिशेनं, हेतूनं आखलं जायला लागतं. साधी भाषणंही प्रचाराची भाषणं बनून बसतात. पण, २०१९ साली संसदीय पद्धतीने निवडणूक होणार आहे, असं सत्ताधाऱ्यांनी गृहीत धरलंय, हीच एक दिलासादायक बातमी आहे म्हणायची.

.......................................................................................

२. पक्षनेतृत्व गोव्यामध्ये सत्ता स्थापन करण्यात अपयशी ठरल्याची टीका करत काँग्रेस आमदार विश्वजीत राणे यांनी आमदारकी आणि पक्षातील सदस्यत्वाचा राजीनामा दिला आहे. काँग्रेसकडून आता कोणतीही आशा नसून त्यांनी जनतेचा विश्वासघात केला अशी घणाघाती टीका त्यांनी केली. गुरुवारी गोवा विधानसभेतील विश्वासदर्शक ठराव भाजपने जिंकला. ४० जागा असलेल्या विधानसभेत १३ जागांवर विजय मिळवूनही भाजपने छोट्या पक्षांच्या साथीने सरकार स्थापन केले. या घडामोडींमुळे काँग्रेसच्या गोटात नाराजी पसरली आहे.

सगळं काही सत्तेसाठीच करायचं असतं, अशा गैरसमजुतीतून उभ्या राहात चाललेल्या सत्तापिपासू लोकशाहीची फळं आहेत ही. विश्वजीत भाऊ, गोव्यातली त्रिशंकू सरकारं कशी चालतात, कशी फुटतात, कशी बदलतात, याची तुम्हाला अधिक माहिती असायला हवी. अल्पमतातल्या सत्ताधारी पक्षाला जेरीस आणण्याची क्षमता दाखवून प्रबळ विरोधी पक्ष म्हणून काम करण्याची संधी दवडलीत, तर लोक काय तुम्हाला आपोआप सत्तेवर बसवणार आहेत का? विसरा जुने दिवस आणि जुनं राजकारण आता.

.......................................................................................

३. केंद्रीय मंत्रिमंडळात फेरबदल होऊन मुख्यमंत्री देवेंद्र फडणवीस केंद्रात जातील, अशी चर्चा गेल्या काही दिवसांपासून सुरू आहे. या चर्चेला केंद्रीय मंत्री नितीन गडकरी यांनी पूर्णविराम दिला. फडणवीस यांनी महाराष्ट्रात आपली ताकद सिद्ध केली आहे. त्यामुळे महाराष्ट्रात कोणताही बदल होणार नाही, असं गडकरी यांनी स्पष्ट केलं.

बातमीत उल्लेख नाही, पण जिथे ही घोषणा झाली त्या परिसरातून ‘हुश्शSSS’ असा आवाज आल्याचं सांगतात बुवा प्रत्यक्षदर्शी. त्याच वेळी महाराष्ट्राच्या काही भागांमधून दु:खाचा सुस्काराही ऐकू आल्याचं सांगितलं जातं. खरं खोटं राम जाणे! बोला, मंदिर फिलहाल यही बनायेंगे!!!

.......................................................................................

४. उत्तर प्रदेश आणि उत्तराखंडमध्ये प्रचंड बहुमताने विजय मिळवल्यानंतर गुरूवारी दिल्लीत झालेल्या भाजपच्या संसदीय दलाच्या बैठकीत पंतप्रधान नरेंद्र मोदींनी भाजप खासदारांना नम्रतेचे धडे गिरवण्याचा सल्ला दिला. ‘मुंह के लालों का भी शुक्रिया, जो चुप रहे’, अशा शब्दांत त्यांनी आपल्या बोलघेवड्या मंत्र्यांना टोलाही लगावला. पक्षाच्या विजयामुळे अतिउत्साही होऊ नका, विनम्र राहा, असा सल्ला देत मी स्वत: बसणार नाही आणि कोणाला बसूही देणार नसल्याचा इशाराही त्यांनी खासदारांना दिला.

बॉस असल्याचा फायदा असा असतो की, कोणालाही काहीही सांगता येतं आणि ते आपल्या आचरणातून दाखवून देण्याचं बंधन नसतं. उलट, मी असाच वागणार; तुम्ही असे वागायला स्वत:ला बॉस समजता का, असं दरडावताही येतं. नोटाबंदीसारखे वादग्रस्त निर्णय आणि आधीच्याच सरकारच्या योजनांचं स्मार्ट पॅकेजिंग करून निर्माण केलेल्या काही दिखाऊ, जेमतेम योजना यांच्यापलीकडे या सरकारच्या खात्यात काय आहे दाखवण्याजोगं?

.......................................................................................

५. भाजपला रोखायचे असेल तर काँग्रेस पक्षाने विरोधी पक्षांची मोट बांधायला घेतली पाहिजे. प्रसंगी विरोधकांच्या या आघाडीचे नेतृत्त्व इतर कोणाकडे देण्याची तयारीही काँग्रेसने दाखवली पाहिजे. देशातील ठराविक लोकांशी संधान बांधून चालणाऱ्या भाजपचा पराभव करण्यासाठी हे खूप महत्त्वाचे आहे, असे मत काँग्रेसचे ज्येष्ठ नेते मणिशंकर अय्यर यांनी व्यक्त केले.

मणिशंकरांना ही ज्ञानप्राप्ती आताच झाली की, ते मांडण्याची धैर्यप्राप्ती आताच झाली? शिवाय या सगळ्या निखळ राजकीय मांडण्या झाल्या. भारतीय जनता पक्षाने भारतीय जनतेच्या विचारशक्तीचा ताबा घेण्याचे उद्योग सुरू केले आहेत. त्यासाठी या जनमानसाच्या आशाआकांक्षांचा अभ्यास चालवला आहे, काही अस्मितांवर जाणीवपूर्वक फुंकर घालणं सुरू झालेलं आहे. अशा वेळी या मनोवैज्ञानिक युद्धासाठी काँग्रेससकट एक तरी विरोधी पक्ष खऱ्या अर्थाने सक्षम आहे का? ती तयारी नसेल, तर भाजप कितीही मोठ्या आघाडीला एका तडाख्यात भुईसपाट करेल, ही काळ्या दगडावरची रेघ आहे.

.......................................................................................

editor@aksharnama.com

Post Comment

अक्षरनामा न्यूजलेटरचे सभासद व्हा

ट्रेंडिंग लेख

भाजपच्या ७६ पानी ‘जाहीरनाम्या’त पंतप्रधान नरेंद्र मोदींची तब्बल ५३ छायाचित्रं आहेत. त्यामुळे हा जाहीरनामा आहे की, मोदींचा ‘छायाचित्र अल्बम’ आहे, असा प्रश्न पडतो
​​​​​​​शिरोजीची बखर : प्रकरण १७ - ‘ओपिनियन पोल्स’ वगैरे बकवास प्रकार असतो सगळा. चार-पाच टक्के ‘फ्लोटिंग व्होटर्स’ असतात, ते निवडणूक ‘डिसाइड’ करतात!
‘हे राम’ म्हणून गांधीजी फक्त एकटे कोसळले नाहीत. त्यांच्याबरोबर संपूर्ण पृथ्वीचे पृथ्वी म्हणून असणेसुद्धा ‘हे राम’ म्हणून कोसळले आहे
जर्मनीत २० हजार हत्तींचा कळप सोडण्याची धमकी एका देशाने दिली आहे, ही ‘हेडलाईन’ जगभरच्या प्रसारमाध्यमांमध्ये गाजतेय सध्या…
तुमचे विचार व आचार ‘पुरोगामी’ विचाराला बळ देणारे आहेत की, ‘प्रतिगामी’ विचारसरणी पोसणारे व वाढवणारे आहेत?

सदरे

सुनील तांबे
परिमल माया सुधाकर
निखिल वागळे
संजय पवार
अमोल उदगीरकर

इतर लेख

​​​​​​​शिरोजीची बखर : प्रकरण १७ - ‘ओपिनियन पोल्स’ वगैरे बकवास प्रकार असतो सगळा. चार-पाच टक्के ‘फ्लोटिंग व्होटर्स’ असतात, ते निवडणूक ‘डिसाइड’ करतात!

मोदीजी आणि विरोधी पक्ष असे दोघेही निशीसारख्या लोकांची मतं आपल्या बाजूने फिरवण्याचा प्रयत्न करणार होते. कुठल्याच बाबतीत निश्चित मत नसलेले निशीसारखे लोक त्या निवडणुकीचा निकाल ठरवणार होते. ते काय ठरवणार आहेत, याचा त्यांनाच पत्ता नव्हता. त्यामुळे तो इतर कुणाला  लागायची काहीच शक्यता नव्हती. मोदी, मोदीभक्त, मोदी-विरोधक, दोन्ही बाजूंचे ‘ओपिनियन पोल्स’वाले असे सगळेच हवेत बोलत होते.......

शिरोजीची बखर : प्रकरण १६ – ‘इलेक्टोरेल बाँड’ प्रकरणानंतर ‘मोदीकालीन भारता’तील राजकारणानं एक जबरदस्त वळण घेतलं…

सगळे पक्ष एक-दुसऱ्याला भ्रष्ट म्हणत होते आणि मूलतः स्वतः सत्तेवर आल्यावर तेच करत होते, हे ‘मोदीकालीन भारता’तील दारुण वास्तव होते. शिरोजीने फक्त भ्रष्टाचार हा विषय घेऊन बखर लिहिली नव्हती. भ्रष्टाचार या विषयात पुरावे मिळणं फार दुरापास्त असल्याने शिरोजी भ्रष्टाचारावर लिहीत नव्हता. परंतु इलेक्टोरेल बाँडचे भांडे फुटल्यावर त्याचाही नाइलाज झाला असणार.......

मुका इसाप अचानक बोलू लागला, तसेच आपल्याकडचे अचानक मुके झालेलेही बोलू लागतील, अशी आशा करू या. ‘नव्या’ने मिळालेला आवाज ‘धारदार’ असतो, असं म्हणतात. ‘धारदार गोष्टीं’ची वाट बघू या…

पुढे कधी तरी चमत्कार झाला आणि इसाप बोलू लागला. मनात साठवलेलं सांगू लागला. गुलामांकडे गोष्टी असतात. गुलामांना गोष्टी रचता येतात. तो गोष्टी सांगू लागला. प्राण्यांच्या गोष्टी सांगून चलाख, धूर्त, दुष्ट, कपटी माणसांना उघडं पाडू लागला. इसाप गोष्टींच्या थारोळ्यात पडला, पण मेला नाही. इसाप अजूनही जिवंत आहे. गोष्टी सांगणारा मेला, तरी त्याच्या गोष्टी छळत राहतात. असो!.......

एक राजकीय ‘विरुपिका’ : ‘तुझी’ मुलं आणि ‘माझी’ मुलं मिळून ‘आपल्या’ मुलांना मारताहेत…

गेल्या दहा वर्षांत महाराष्ट्रातल्या पक्षीय राजकारणाची आधी ‘ट्रॅजेडी’ झाली, मग त्या ‘ट्रॅजेडी’ची ‘कॉमेडी’ होत गेली… आणि आता ती ‘ट्रॅजिक-कॉमेडी’ झालेली दिसू लागली आहे. त्यात अनेक ‘कथा’, ‘व्यथा’, ‘शोकांतिका’, ‘सुखात्मिका’ आहेत, पण या सगळ्यापेक्षाही ‘विरुपिका’ सर्वांत जास्त आहेत, असं वाटतं. ही ‘राजकीय विरुपिका’ त्यापैकीच एक.......

‘महाशक्ती’, ‘महासत्ता’ असलेल्या ‘नव्या भारता’च्या सुजाण नागरिकांनो, ‘मतदान’ करण्याशिवाय तुमच्यासमोर तरणोपाय नाही...

येत्या काळात लोकसभा निवडणूक होईल. मग काय, भारत ‘महाशक्ती’ होईल आणि ‘विश्वगुरू’सुद्धा! फक्त या नव्या सरकारला वाढत्या लाभार्थ्यांसाठी नव्या ‘रेवड्यां’ची तरतूद तेवढी करावी लागेल. देशातील अजून काही बहुसंख्य समाजघटक ‘आम्हाला मागास ठरवा’, म्हणून आंदोलनं करतील, शेतकऱ्यांना पुन्हा ‘एमसीपी’साठी आंदोलन उभारावं लागेलच. पण हे तुम्ही विसरू नका की, क्रांती झाल्यासारखा देश बदललाय.......

परवा पृथ्वीतलावर ‘महाराष्ट्र’देशी ‘मराठी भाषा गौरव दिन’ उर्फ ‘मराठी भाषे’चं ‘वर्षश्राद्ध’ थाटामाटात, समारंभपूर्वक साजरं करण्यात आलं!

‘मराठी भाषा गौरव दिन’ ज्या पद्धतीनं आणि रितीनं साजरा केला जातो, त्यावरून मराठी भाषा मेलीबिली की काय असा प्रश्न पडतो. कारण जिवंतपणी कुणाचंही तोंडावर कौतुक, सन्मान करण्याची महाराष्ट्रदेशाची परंपरा नाही. त्यामुळे मराठी भाषा निदान त्या मार्गावर तरी असावी. त्यामुळेच तिला तिथून मागे खेचण्यासाठी २७ फेब्रुवारी हा दिवस एवढ्या मोठ्या प्रमाणात, जोशाजल्लोषात साजरा केला जात असावा.......

‘व्यवहारकुशल’ मनोहर जोशी...

राजकारणी, उद्योजक, प्रशासक, हजरजबाबी, व्यवहारकुशल मनोहर जोशी यांच्या सांगण्यासारख्या  खूप आठवणी आहेत, पण इथं थांबतो. त्यांच्या निधनामुळे शिवसेनेचा राज्यव्यापी संपर्क असलेला एक उमदा, समंजसपणे राजकारण करणारा नेता काळाच्या पडद्याआड गेला आहे. उद्धव ठाकरे यांना भासत नसली, तरी आजच्या पडत्या काळात अशा नेत्याची शिवसेनेला नितांत गरज होती........

शिरोजीची बखर : प्रकरण पंधरावे - ‘देश धोक्यात आहे’, असे हिंदुत्ववादी आणि लिबरल दोघांनाही वाटत होते. हिंदुत्ववाद्यांना वाटत होते, मुसलमानांकडून धोका आहे; लिबरल्सना वाटत होते, फॅसिस्ट शक्तींकडून...

२०१४पासून धर्मावर आधारलेल्या जहाल राजकारणाचा मोह अनेक मतदारांना पडला, हे नाकारता येणार नाही. हे घडून आले, याचे कारण भारताला गांधीजींच्या धर्मभावनेवर आधारलेल्या राजकारणाच्या विचारांचा विसर पडला होता, हे असेल का, असा विचार अनेकांच्या मनात तरळून जाऊ लागला. ‘लिबरल विचारवंत’ स्वतःशी म्हणत होते की, भारतीय जनतेला पडलेला धर्मावर आधारलेल्या जहाल राजकारणाचा मोह हे फक्त इतिहासाचे एक छोटेसे आवर्तन आहे.......

बंद करा ‘निर्भय बनो!, या राष्ट्राची ‘भयमुक्ती’च्या दिशेनं इतकी वेगानं वाटचाल चालू असताना, तुम्ही पण ‘निर्भय’ व्हा की! ‘राष्ट्रीय प्रवाहा’त सामील व्हा! बंद करा, तुमचं ते ‘निर्भय बनो’!

पोलीस शांत बसणार किंवा मदत करणार, याची खात्री असेल तरच ‘निर्भय’ता येणारच ना? निःशस्त्र सामान्य माणसं-मुलं मारणं, शत्रूच्या स्त्रियांवर बलात्कार करणं, हे शौर्यच आहे. म्हणजे ‘निर्दय बनो!’ हाच आजचा मंत्र आहे. एकच पक्ष, एकच नेता, त्याचा एकच उद्योगपती, एकच कायदा, एकच देव एकच भाषा, असं सगळं ‘एकी’करण झालं की, ते पूर्ण ‘निर्भय’ होतील. एकदा ते पूर्ण ‘निर्भय’ झाले की, जग ‘भयमुक्त’ झालंच समजा .......

बाबा आढाव : “भारतीय संविधानाची मोडतोड सुरू झाली आहे. त्यामुळे आता ‘संविधान बचावा’ची चळवळ सुरू झाली पाहिजे. डॉ. बाबासाहेबांनी तयार केलेल्या राज्यघटनेचं संरक्षण हा ‘राजकीय अजेंडा’ झाला पाहिजे.”

पंतप्रधानांच्या विरोधात बोलणं हा ‘देशद्रोह’ समजला जाऊ लागला आहे. या परिस्थितीतून पुढं काय निर्माण होईल, याचं विश्लेषण करत हात बांधून चूप बसण्याची ही वेळ नाही. चर्चा करण्याऐवजी काय निर्माण व्हायला हवं, यासाठी संघर्ष करण्याची वेळ आली आहे. यात जेवढे लोक पुढे येतील, त्यांना बरोबर घेऊन थेट संघर्ष सुरू करायला. हवा. प्रसंगी आपल्याला प्रस्थापित विचारवंत ‘वेडे’ म्हणतील, पण संघर्ष सुरू करायला हवा. गप्प बसण्याची ही वेळ नाही.......

© 2024 अक्षरनामा. All rights reserved Developed by Exobytes Solutions LLP.